ڕاگەیەنراوی کۆنگرەی نەتەوەیی کوردستان لە یادی ڕاپەڕینی 1991 باشووری کوردستان و دۆخی ئێستای ناوچەک
لەکاتێکدا کە گەلەکەمان یادی 35 ساڵەی ڕاپەڕینی جەماوەریی ١٩٩١ دەکاتەوە، ناوچەکە بەشەڕێکی سەخت و دژواردا اتێدەپەڕێت. ئێمە لە کۆنگرەی نەتەوەیی کوردستان سەرەڕای ئەوەی پیرۆزبایی یادەکانی ڕاپەڕین و سەرکەوتنەکانی گەلەکەمان دەکەین و سڵاو بۆ گیانی شەهیدەکان دەنێرین، هەمانکات بە ئەرکی هەموولایەک دەزانین کە دەستکەوتەکانی ڕاپەڕین بپارێزین. لە ئێستادا زۆر گرنگە پەرلەمان وحکەمەتێکی کارا لەپێناو خاک و داخوازیی و پاراستن و بەرژەوەندییەکانی خەڵکی کوردستاندا دابمەزرێنرێت.
ئێستادا بازنەی شەڕ فراوانبووە و زۆر شوێنی دیکەشی گرتۆتەوە. هەرچەندە کوردستان بەشێک لەم شەڕی هەژمونگەریی و دەسەڵاتخوازییە نییە، بەڵام جوگرافیای کوردستان بە گشتیی لە ناوجەرگەی ئەو شەرو ململانێیانەدایە، پێویستە لەم قۆناغە ئاڵۆزەدا پاراستنی کوردستان و بەرژەوەندیی خەڵکی کوردستان ئەرکی لەپێشینەی هەمووان بێت. پێویستە لایەنە سیاسییەکانی کوردستان و خەڵکی کوردستان بە هەموو چین و توێژەکانییەوە بە هەستیاریی و هۆشیاری و جیهانبیننەیەک لە دۆخەکە بڕوانن کە ئێستا و داهاتووی کوردستان بگاتە قۆناغ و دۆخێکی باشتر. بۆ ئەو مەبەستەش پارت و لایەنە سیاسیی و مەدەنییەکان و تەواوی خەڵکی کوردستان ئەرکدارن کە یەکێتی و یەکڕیزیی ناوخۆیی کوردستان پتەو بکەن و پێکەوە کێشە و قەیرانە ناوخۆییەکان تێپەڕینن و قۆناغەکە بکەنە دەرفەتێکی بەرهەمدار.
رۆژهەڵاتی کوردستان راستەوخۆ لەناو ئاگری شەڕەکەدایە، بۆیە مامەڵەکردن لەگەڵ دۆخەکە هەستیار و هۆشیارییەکی زۆری گەرەکە، ئەشێ دەرفەتێکی باشیش بێت بۆ قۆناغێکی باشتر بۆ رۆژهەڵەتی وڵات. هەروەها لە ئێستادا پڕیشکی ئاگرەکە عێراق وهەرێمی کوردستانیشی گرتۆتەوە. بۆیەئەرکی دەسەڵاتدارانی بەغداوهەرێمی کوردستانە هەمووڕێگایەک بگرنەبەر تاکو ئاگری شەڕ دووربخەنەوە و لەمە زیاتر ژیان و سەلامەتی هاوڵاتیان نەکەونە مەترسییەوە، بەتایبەتی ئێستا ڕۆژانە شارەکانی هەولێر و سلێمانی دەکەونەبەر هێرشی موشەک و درۆن، ئەرکی دەسەڵاتی بەغدایە سەروەری خاکی عێراق بپارێزێت و ڕێگە نەدات هیچ گروپێکی چەکدار لەڕێگەی شەڕی وەکالەتەوە هەرێمی کوردستان بەئامانج بگرێت و ژیانی مەدەنی بکاتە قوربانی خواستەکای خۆی.
ئێمە بە توندی هەموو ئەو هێرش و دەستدرێژیانە سەرکۆنە دەکەین کە دەکرێنە سەر خاکی هەرێمی کوردستان. تێوەگلاندنی ناوچە مەدەنییەکان لە ململانێیەکدا کە گەلی ئێمە تێیدا لایەن نییە، پێشێلکردنی ئاشکرای یاسا نێودەوڵەتییەکان و بنەماکانی مافی مرۆڤە و بە هیچ جۆرێک قبوڵکراو نییە.
کۆنگرەی نەتەوەیی کوردستان وێڕای ئیدانەی هێرشەکانی سەر هەرێمی کوردستان، هاوکات داوا دەکات گەلی باشووری کوردستان بە رۆحی راپەڕینی 1991 خۆپیشاندانەکانی پشتگیریی لە رۆژاوای کوردستان لەسەر خەت بن، هەروەها بۆ حکومەت و رێبەریی باشووری کوردستانیش دەڵێین: قەوارەی باشوور بەرهەمی راڕیەڕینی گەلی باشووری کوردستان و خوێنی هەزاران شەهید و خەبات و تێکۆشانی دەیان هەزار رۆڵەی گەلی کوردە، بۆیە خەڵکی کوردستان شایستەی ژیانێکی شکۆمەندن.
سەرکەوێت خەباتی گەلەکەمان لەباکوور، ڕۆژئاوا، باشوور، ڕۆژهەڵات، سەرکەوێت خەباتی نەتەوەییمان
کۆنگرەی نەتەوەیی کوردستان
2026.03.05
